Euskadiko Futbol Federazioaren helburu nagusia gabonetako partida aurrera ateratzea zela argi utzi du Santi Arostegi Federazioko presidenteak. Datorren abenduaren 29an Euskal Selekzioak eta Venezuelako selezioak San Mamesen jokatuko duten partidaren berri eman dute goizean Arostegik, Jon Ander Ganboa federazioko idazkari nagusiak, eta baita Jose Anjel Iribar eta Mikel Etxarri Euskal Selekzioko hautatzaileek ere. Federazioak adierazi duenaren arabera, jokalariekin batera parte hartuko dute Euskal Selekzioaren ofizialtasunaren aldeko ekimenetan.
Ostiralean egingo dute deialdi ofiziala. Jokalarien eskaerari muzin eginez, partidan lortuko den dirua Araba, Bizkai eta Gipuzkoako federazioarentzako bakarrik izango da. Jokalariek Euskal Herri osoko klubetan banatzea nahi zuten. Iribarrek esan duenez, jokalariekin kontaktuan jarri da, eta denak ados agertu direla partidarekin jakinarazi du. Amorebietak Euskal Selekzioarekin jokatuko duela ere adierazi dute, eta baita Joseba Etxeberria omenduko dutela ere, Selekzioarekin partida gehien jokatu dituen jokalaria delako.
Hiru urteko etenaren ondoren, berriro izan da Reala-Athletic derbia, eta Realak eraman du, 2-0 irabazita. Xabi Prietok egin du aurreneko gola, 26. minutuan, penaltitik. Bi aldiz bota behar izan du, lehenengoan geldialdia egin duelako eta hori denboraldi honetan debekatuta dago. 2-0ekoa 49. minutuan heldu da: Prietok eskubitik erdiraketa atera eta Mikel San Josek bere atean sartu du gola, baloia aldentzen hasi denean.
Joseba Llorentek eta Antoine Griezmannek oso aukera onak izan dituzte, biak ere bakar-bakarrik zirela: aurrenak buruz gora errematatu du eta bigarrenak zutoinera bidali du baloia. Athleticek ez du okasio garbirik eduki; erdiraketa asko bai -batik bat, bigarren zatian-, baina ideiak argi izan gabe.
Reala seigarren jarri da Espainiako Lehen Mailako sailkapenean, Europako Ligako postuan. 22 puntu ditu. Athletic hamaikagarren dago, 19rekin. Osasuna hamabigarren, 15ekin. 14. jardunaldia jokatu dute asteburu honetan. Jaitsiera postuko aurrena -18.a- 10 punturekin dago -Sporting-.
Mark Webberrek sorbalda hautsita zuela korritu zituen urteko azken lau lasterketak. Horixe argitu du argitaratu berri den liburu batean, bere urtearen kontaketaren ingurukoa dena. Japoniako Sari Nagusia jokatu aurretiko astean erori omen zen mendiko bizikleta egiten ari zela.
Gogoratu behar da 2008 amaieran Webberrek istripu handia izan zuela mendiko bizikletan, sorbalda eta berna hezurra hautsiz. Iazko denboraldian parte hartzeko larri osatu zen, eta herrenka egiten zuen lehen lasterketetan. Ordudanik ez zen bizikleta gainean jarri: "Suzuka aurreko igande goizean, mendiko bizikleta hartu nuen berriro, Tasmanian 2008 amaieran izandako istripua eta gero lehen aldiz".
Baina topaketa ez zen espero bezalakoa izan: "Nire lagun on batekin ari nintzen. Bapatean, nire aurre aurrean erori zen eta hegan atera nintzen aurrealdera. Nire eskuin sorbaldan eskiatzaileen haustura deitzen dutena sufritu nuen".
Hala eta guztiz ere, lasterketa guztietan hartu zuen parte, eta uste baino hobeto gainditu omen zuen egoera: "Suzuka izugarri zirkuitu gogorra da, eta horregatik eskertzekoa izan zen Japoniako eguraldiak larunbata libre utzi izana (euriak bertan behera utzi zuen sailkapen saioa), eta lasterketa aurretiko injekzio batek ere lagundu zidan. Amaieran, asteburua ongi gainditu genuen". Bigarren egin zuen lasterketa hartan, Vettelen atzetik.
Haustura bera bezain garrantzitsua da Webberrek taldeari horren berri eman ez izana. Australiarrak ez du zehaztu zergatik egin zuen hori, baina bi galdera eragiten ditu afera honek: taldeak babesa kentzeko beldurragatik ezkutatu zuen lesioa? Eta lesiorik gabe maila hobea emango al zuen?
Lau urtez erlojupeko munduko txapeldun den Fabian Cancellarak 3 urterako sinatu du Tour Luxemburgo taldearekin.
Fabian Cancellara handia oso gustora agertu da,Kontratu berriarekin gustora bai dago taldeko orekarekin.Aurreko urteko Tour de Flandes eta Paris Roueaux eko garaileak aurten bere Saxo Bank eko adiskideekin korrituko du.Talde honetako proiektuak Pro Tour lizentzia du eta Brian Nygaard dute direktore bezala
Cancellara oso gustora dagoela esan du eta aurtengo denboraldia hasteko gogoz.
Kuleek egur ederra eman zioten Madrileko jokalariei. Gol festa 9. minutuan hasi zen Camp Nou zelaian, Xavi Hernandezek, taldeko burmuinak, ireki zuen markagailua Bartzelonaren alde. Ondoren, Madrildarrek aukera gutxi batzuk lortu zituztenean Pedrok 2-0 ekoa egin zuen gol bikain batekin eta Real Madril txikituta utzi zuten. Lehen zatiaren bukaeran, Cristiano Ronaldo adoretsuak Pep Guardiolarekin izan zuen ikamika, Guardiolak baloiarekin ixkin egin baizion, txartel horia ikusi zuten Victor Valdes eta Cristianok, eta horrelaxe bukatu zen lehen zatia Camp Noun.
Bigarren zatia izugarria izan zen, Bartzelona partidua txikitzera atera zen aldageletatik, eta horrela egin zuen, Real Madrili presio bortitza egin zion eta Madrildarrek ez zuten baloiaren usainik izan. Eta horrela, 54. minutuan David Villak gol polita sartu zuen 3-0 ekoa egiteko. Orduan partida bukatuta zirudien Madriltarrentzat, baina 58. minutuan David Villak bere 2. gola egin zuen 4-0 ekoa egiteko. Mourinho eta bere taldea txikituta zegoen, falta gogorrak egiten hasi ziren, jasotako egurraren ondorioz. Azkenean Guardiolak Xavi, Villa eta Busquets atera eta Jeffren, Bojan eta Keita gazteak atera zituen. Partidaren amaieran, Bojan ek golaren abagunea izan zuen, baina bera bakarrik erori egin zen area ertzean. Partidaren astapenean, pase bikain baten ostean Jeffren gazteak gola sartu zuen eta 5-0 jarri zuen markagailuan eta talde guztiak izugarrizko ospakizuna egin zuen. Gerard Pique defentsak harrokeriaz altzatu zuen bostekoa. Partida amaitzera zioala, Sergio Ramos ek falta gogorra egin zion Lionel Messi argentinarrari, txartel gorria ikusi, eta Carles Puyol i ukabilkada txiki bat eman ostean, aldageletara joan beharra izan zuen.
Azkenean, partida amaitutzat eman zuen Iturralde Gonzalezek, lan txukun samarra berea eta Bartzelonakoaren festari hasiera eman, gau handia eta gogoratzekoa izan zen eta. Mourinho eta Madrildarrak egur galanta jasota itzuli ziren Madril era, entrenamentuak hasteko eta beraien taldea hobetzeko asmoz. Partida bikaina benetan.
LEB Plata. 30 punturekin (12/15 T2 eta 6/9 TL), 15 errebote, 2 asistentzia, 2 txapel eta 6 faltas jaso zituen Chris Mortellarok 45 eko valorazioa egiteko eta jardunaldiko MVP a lortzeko.Jokalari italo-amerikarra berriro ere azpeitiar taldeko onena izan zen eta partida txundigarria egin zuen eta denboraldiko onenen artean sartu da. Lan Mobel eko jokalaria bigarren doa anotazio arloan (16 puntu partiduko), bigarren balorazio arloan (19,56) eta laugarren errebote arloan (8,22 partiduko).
LEB Plata. Partida erritmo biziarekin hasi zen, bi taldeek transizio azkarrak eginez eta Lan Mobeleko onenak Bratton eta Paez izan ziren lehenengo laurdeneko onenak, bakoitza 10 punturekin. Azpeitiarren korrika jokuak FEVE Oviedo Baloncestokoei aurre egin zien, baina Oviedotarrek hiruko marratik asko saskiratu zuten eta lehen laurdena sei puntu goitik amaitu zuten (21-27).
Bigarren laurdenean erritmoak ez zuen behera egin eta bi taldeak kolpeak txandakatzen jardun zuten eta zirti-zarta horretan Lan Mobel ISB hobea izan zen eta 16 puntuko abantaila izan zuen(28-44, min 17) laurden hasiera bikain baten ostean, baina, taldearen akatsak, 7 baloi galketa, eta etxekoen, O´Leary eta Taten saskiratzeengatik azken hiru minutuetan lehentxoago egindako lana sakutik hartzera joan zen eta 2 puntuko abantaila bakarrik zuten azpeitiarrek (44-46), 13-0 eko partzial baten ostean.
Atsedenaldiaren ostean Lan Mobel ISBk markagailuan agintzen jarraitu zuen, azpeitiarrek erritmo ederra zuten partiduan eta Chris Mortellaro izugarri egon ostean, laurdena 5 puntuko abantailarekin amaitu zuen (60-65).
Partiduaren azken txanpan dena erabakitzeko zegoen, eta Lan Mobel ISBk ez zuen irabazteko aukera galdu nahi. Chris Mortellarok, 13 puntu azken laurdenean eta 30 puntu partida osoan, eta 15 errebote rekin partidako jokalari onena izan zen.Bratton en partida ere azpimarratzekoa izan zen 23 puntu sartuta. Oviedokoek saihatu ziren, baina alperrik izan zen, Lan Mobel ISBk talde handiak azpeitiara ekarri zuen aurtengo denboraldiko bigarren garaipena 86-98 irabazita.
Partidako Estadistikak
FEVE Oviedo Baloncesto 86 (21+23+16+26): O´Leary (20), Tate (11), A. Macía (2), Prieto (2), Parada (3), Ratzsch (8), Suarez (11), González (7) y Román (22).
Lan Mobel ISB 98 (27+19+19+33): Bratton (23), Mortellaro (30), Cavada (1), Osa (2), Ibargutxi (5), Aritz Martínez (11), De la Iglesia (4), Paez (18) y Borja Martínez (4).
Sebastian Vettelek gaur garaipen oso garrantsitsua lortu du Abu Dhabi ko zirkuitu modernoan. Lasterketa bikaina egin du eta Alonso eta Webber en hutsen ondorioz Vettel lehena jarri da Munduko Txapelketako Klasifikazioan eta bera da 2010 eko munduko txapelduna. Munduko txapelketa bat lortzen duen gidari gazteena da 23 urterekin. Zorionak Sebastian!!!
